ROSALIANDO DEREITOS

PRA HABANA

Achégase o 24 de febreiro e é un auténtico pracer escoitar declamar  na nosa fermosa lingua a poesía da nosa escritora máis ilustre.  Rosalía forma, xa, sen lugar a dúbidas, parte das vidas  do alumnado de A Pedra,  pois  cada ano eliximos un poema seu para recitalo.

Este ano, como xa repetimos en infinidade de ocasións, o proxecto anual xira ao redor dos DEREITOS HUMANOS  polo que o poema  elixido  foi  PRA HABANA,  incluído  dentro de CANTARES  GALLEGOS.  Denúnciase nel a miseria do pobo galego, que fai que moitos homes se vexan abocados á emigración.  Rosalía  reclama  o DEREITO Á VIVENDA,  O DEREITO A TER UN TRABALLO DIGNO, O DEREITO A CIRCULAR LIBREMENTE POLO MUNDO, O DEREITO Á FAMILIA.  Podería ser un poema do século  XXI, pois  as reivindicacións actuais seguen a ser as mesmas.

Nos seguintes vídeos poderedes comprobar o esforzo de toda a rapazada recitando, representando, cantando  rapeando ou con linguaxe de signos esta fermosa poesía. 
Algúns fixeron un anaquiño pequeno e os máis atrevidos atrevéronse co poema completo.

Empezamos polos maiores do cole:

 

 

 

PARABÉNS A TODA A COMUNIDADE ESCOLAR POR ESTE FERMOSO TRABALLO !

FELIZ DÍA DE ROSALÍA!

VISITA DE ANXO GONZÁLEZ GUERRA

Hoxe, o alumnado de E. Infantil, tivo a sorte de recibir a visita de Anxo González Guerra, avó de Aldán, alumno de 4º de E. Infantil.
Anxo de forma totalmente altruísta, veulles contar a historia de O TRASNO PERICÁN, que por certo está dedicado ao seu neto. Mantivo a atención dos pequenos e pequenas mentras relataba coa súa voz profunda a fermosa historia.

Tivo que repartir o seu tempo en dúas sesións. As seguintes fotos amosan ao famoso escritor cos pequenos e pequenas do colexio. 

MOITAS GRAZAS ANXO!

ESPERAMOS CONTAR CONTIGO EN MÁIS OCASIÓNS!

CANTO AMOR!

O 14 de febreiro, día dos namorados, produciuse no noso cole un ENCONTRO do máis ROMÁNTICO.
No bibliocastelo xuntáronse os máis pequenos do centro, ALUMNADO DE 4º DE E. INFANTIL, cos maiores da nosa vila, os USUARIOS DO CENTRO DE DÍA CONTIGO.

Fixeron actividades conxuntas, como debuxar corazóns ou construÍr con plastilina colgantes para agasallarse. A experiencia non puido ser máís tenra.

VIAXANDO POR LÍBANO E POLO PERÚ

Ao redor da xornada do día da PAZ , realizáronse no cole dúas actividades moi interesantes:

Unha tivo lugar no bibliocastelo. Alí o alumnado de 1º de E. Primaria, recibiu a visita de Julio, pai de Dani de 1ºB. Julio veulles contar a súa experiencia no LÍBANO. Sabía que este ano no cole estábanse traballando OS DEREITOS HUMANOS, e relatoulles que alí moitos nenos e nenas non poden ir á escola e que teñen que traballar. contoulles que non teñen liberdade `para saír das súas casas coma nós

A outra charla tivo lugar na sala de usos múltiples. Esta vez foi a profe Bea, titora de 3ºB, quen nos contou a súa experiencia como voluntaria dunga ONG, chamada INTI. Bea viaxou nun par de ocasións ao Perú e a través dunha presentación con fotografías amosounos como é a vida neste país sudamericano.

GRAZAS JULIO E E BEA POLA VOSA XENEROSIDADE!

O DEREITO Á PAZ ESTÁ NAS NOSAS MANS

Este gran mural da entrada do colexio, foi confeccionado por todo o alumnado do noso centro. En cada clase se reflexionou sobre a maneira que cada un de nós pode acadar A PAZ. Saíron frases moi fermosas e significativas que plasmamos nunhas mans.

 4º  E. INFANTIL  A

 4º E. INFANTIL  B

 5º   E. INFANTIL A

 5º   E. INFANTIL B

 6º   E. INFANTIL A

6º   E. INFANTIL B

 5º  E. PRIMARIA  B

 1º A  E. PRIMARIA

 1º B    E. PRIMARIA

 2º A    E. INFANTIL

 2º B  E. PRIMARIA

  3º A  E. PRIMARIA

  3º B  E. PRIMARIA

  4º A  E. PRIMARIA

  4º B  E. PRIMARIA

  5º A  E. PRIMARIA

  5º B  E. PRIMARIA

  6º A  E. PRIMARIA

 6º B  E. PRIMARIA

O 30 de xaneiro, Día da Paz e da non violencia, amenceu o día de chuvia fatal. Este feito desluciu en gran medida os actos previstos no patio cuberto. Pola contra tivemos que celebralo por separado. Un acto no centro de Infantil:

E outro no centro de Primaria:

En ambos actos se cantou o tema  "QUÉROTE MÁIS " de Sonoro Maxín con linguaxe de signos.

Aproveitous o acto para presentar ao novo equipo de mediadores que estiveron formámdose durante todo o primeiro trimestre.

QÚEROTE MÁIS

Rematado, xa o tempo de panxoliñas e do Nadal, e despois de toda a emoción desatada coa inauguración do BIBLIOCASTELO, o cole prepárase para outro gran acontecemento:

A CELEBRACIÓN DO DÍA DA PAZ

É doado escoitar nas aulas a música da canción que imos cantar e que por certo nos encanta e gozamos moito cantando e interpretando con LINGUAXE DE SIGNOS.

Aquí  deixamos o vídeo e a letra de "QUÉROTE MÁIS"  de SONO MAXÍN para que todos a poidades ensaiar na casa.

INAUGURACIÓN DO NOVO BIBLIOCASTELO

Por fin chegou o día! 

Levábamos todo o primeiro trimestre esperando que  o Bibliocastelo abrise as portas. As profes dicíannos que tiveramos paciencia que valía a pena esperar porque o que se estaba cocendo alí dentro ía superar todas as nosas espectativas.

O luns 14 de xaneiro, o centro encheuse de personalidades, Conselleira de Educación, Xefe territorial, Inspectora, directores e directoras de todos os centros educativos de Bueu, Alcalde e concelleiros, representantes da ANPA,  .... Estaban alí porque ao fin íase inaugurar O NOVO BIBLIOCASTELO. 

Un nutrido grupo de alumnos e alumnas de sexto serviron de guías nesta xornada festiva. No seguinte vídeo poderedes gozar dun resumo desta festiva xornada.

O martes 15, fomos o alumnado de E.Infantil e o de primeiro e segundo de E. Primaria os que puidemos finalmente entrar e comprobar todo os cambios. O mércores, foi a quenda do alumnado de terceiro, cuarto, quinto e sexto de E. Primaraia.

Ás dúas aulas que antes había onde seguía habendo libros e ordenadores, había agora que engadir un espazo máis lúdico, cunha parede de legos, recuncho de xogos de mesa, de plástica de disfraces, música, mesa interactiva, táblets. Outra das aulas converteuse en aula de ciencias e todo o corredor estaba cheo de libros, zonas de lectura.... Unha auténtica marabilla.

O mago Ramón deletounos a todos cunha fantástica sesión de de Maxia!

Se clicades na seguinte imaxe poderedes acceder ao blog do Bibliocastelo e saber máis sobre este evento.