GUÍAS DE LECTURA E MÚSICA 2019

´

Xa están aquí as sempre esperadas recomendacións de lectura e música en galego para agasallar no Nadal ou en calqueira época do ano. 
O venres, 22 de novembro, todo o alumnado do noso centro levou nas súas mochilas o tríptico coas novidades.
 Este ano temos moito que agradacer á parella formada por Ana Valuja e Esteban Tarabelos. A Ana por facer, como cada ano, a montaxe e a Esteban por agasallarnos por tan fantástica ilustración. Moitos foron os nenos e nenas que recoñeceron os seus debuxos e recordaron con ilusión a bonita actividade que fixemos con el o pasado curso.
Tamén, dende estas páxinas, agardecer a excelentísima Deputación de Pontevedra que imprimiu as guías de xeito gratiuto. 

Lembramos que estas guías están confeccionadas, con moito agarimo, pola Coordinadora de equipos de Dinamización Lingüística do Morrazo e que o noso cole participa sempre de xeito moi activo na súa elaboración.

Esperemos que sexan do voso agrado e que vos resulten útiles.

GUÍA DE LECTURA PARA ESTE VERÁN

Deixámosvos nesta páxina unha interesante guía de lectura elaborada polo Equipo de Biblioteca do noso cole. Todos os exemplares suxeridos están en galego e tratan o  tema dos Dereitos Humanos.

Guía Lectura 19

Publish at Calameo

GUÍAS DE LECTURA DE NADAL

LEO, LEO, LEO, MEDRO, MEDRO, MEDRO

Este  lema tan significativo preside as guías de lectura que o  alumnado do noso cole e o da maioría os centros do Morrazo levaron para a súa casa este fin de semana.
Antes que nada, agradecer a ANA VALUJA, do CEIP de Seixo, o traballo de maquetación e a  MARC TAEGER, a fermosa ilustración que fixo de xeito totalmente altruista e que quedou así de ben.

Estas gúias están elaboradas por un conxunto de mestres e mestras, amantes da súa profesión, da lectura e da lingua galega. Tratan de achegar ao alumnado e ás familias as novidades e as reedicións de obras literarias e de música do último ano.
Nelas poderemos atopar boísimas ideas para agasallar non só no Nadal, senón en calquera outra data, como aniversarios, día do libro, ...
Como podedes ver a continuación veñen separadas por idades:

GUÍAS DE LECTURA

Xa está lista a guía de lecturas para o verán. Papirus quería recomendarvos libros relacionados co PDI deste curso : o cine. Pero, practicamente non hai bibliografía para nenos sobre este tema. Os libros que hai no mercado xa os estivemos traballando ao longo do curso. Por iso decidiu elaborar unha guía con libros dos tres autores aos que homenaxeamos este curso: Roald Dahl, polo centenario do seu nacemento (16 de setembro de 1916) ; Carlos Casares, autor ao que se lle dedicou o Día das Letras Galegas; e Agustín Fernández Paz, un escritor moi querido por todos nós, que faleceu o verán pasado. Esta guía é unha pequeniña homenaxe aos tres.

Tamén incluímos un libro dunha xove poetisa, veciña nosa, cun futuro moi prometedor, Miriam Ferradáns Ferradás. Xa recibiu numerosos premios polos seus poemas, un dos máis importantes o XXIX Premio Nacional de Poesía Xosémaría Pérez Parallé. É para nós un gran orgullo!   

Guía Lectura 17

Esperamos que sexan do voso agrado.

GUÍAS DE LECTURA

Este venres todo o alumnado co CEIP "A Pedra" , levou nas súas mochilas un exemplar das guías de lectura en galego, elaborada pola coordinadora de Equipos de Dinamización Lingüística do Morrazo. Estas guías teñen por obxectivo recoller as novidades editoriais e de música publicados na nosa lingua. Este ano ademais engádense libros de Agustín Fernández Paz como homenaxe polo  seu recente falecemento, e de Carlos Casares por seren o autor ao que se homenaxeará no dia das Letras Galegas 2017.
Agradecementos especiais a Leandro Lamas que este ano prestouse a facer esta magnífica ilustración, a Ana Valuja, mestra do colexio de Seixo, que fixo o traballo de enmaquetación, e todos os mestres e mestras dos colexios e instituto do Morrazo que tiveron a ben buscar, e elixir todos estes libros e CDs.
GUÍAS DE INFANTIL

GUÍAS DE PRIMARIA

GUÍAS DE SECUNDARIA