27 DE MARZO ,DÍA MUNDIAL DO TEATRO

O vindeiro venres 27 de marzo conmemórase o Día Mundial do Teatro, que se creou en 1961 por iniciativa do Instituto Internacional do Teatro (ITI). Un dos actos máis representativos  é a circulación da Mensaxe Internacional, tradicionalmente escrita por unha personalidade  de recoñecido prestixio no mundo do teatro; este ano corre a cargo do director polaco Krzysztof Warlikowski .

 Preme na imaxe para ler a mensaxe.

Como este ano estamos traballando a Arte non podemos esquecernos do Teatro como unha rama das artes escénicas. Un xeito de actuación, que representa historias combinando o discurso, os xestos, a escenografía ,a música, o son e o espectáculo.

Se queredes averiguar máis cousas sobre o teatro para poñelas en práctica podedes mergullarvos nas actividades interactivas que aparecen nesta páxina.

ROSALÍA EN IMAXES.

Na entrada do cole podemos ver unha pequena exposición das diferentes imaxes de Rosalía de Castro ao longo do tempo, baseada no libro  "ROSALÍA DE CASTRO, IMAXE E REALIDADE"  de Fernando Pereira Bueno.( Xerais) (Pódese atopar na biblioteca)

Os seus rasgos máis característicos aparecen sempre , aínda que interpretados de diferentes maneiras segundo os artístas, dende fotografías antigas ata a versión Pop Art, pasando polos retratos e as caricaturas.

As imaxes dende a súa  xuventude ata agora foron covertindo a esta muller defensora da súa dignidade e da súa lingua nunha icona da cultura galega recoñecida a nivel universal.

8 DE MARZO.DÍA INTERNACIONAL DA MULLER

Co gallo desta conmemoración o CIM de Bueu convoca un certame de viñeta e ilustración baixo o lema a "igualdade no traballo" no que todos os anos participan os nenos/as de 3º ciclo.
Esta convocatoria foi especialmente importante para nós porque ademais os de 6º prepararon un manifesto para expoñer na gala de entrega de premios.

O resultado foi estupendo , houbo varios premiados: Por unha banda, Gabriel Oliveira Carballo de 6ºA gañou o primeiro premio e Inés Brión Martínez, de 5º A  e Inés Hermo Sanmartín de 6º B cadansúa mención especial.
No que respecta á declaración Institucional estivo dividida en tres partes:
Comezaron Lara e Xoel contando a historia da avoa deste ,que fora redeira.


Logo os nenos/as de 6º leron o poema "As redes de Inés"de Elvira Riveiro dedicado a todas as mulleres que foron atadeiras .

 E por último proxectaron unha presentación na que cantaban unha canción pola igualdade
composta por eles a partires dunha melodía popular.



Foi moi emocionante e satisfactorio.
O sábado, día sete saímos na portada do Faro de Vigo , cunha fermosa crónica no interior.



Preme na imaxe para ver a páxina do FARO.

ROSALÍA DAS ONDAS DO MAR

Aquí podedes ver o vídeo que se elaborou para conmemorar o Día de Rosalía ,enmarcado nunha actividade colaborativa titulada Rosalía das ondas do mar.

E un vídeo feito en colaboración con moitos centros do Morrazo, e no que cada centro aporta uns versos para completar o poema entre todos.

 A idea e a montaxe do vídeo é do EDL do colexio de Sequelo, ao que desde aquí queremos felicitar polo resultado. 

24 DE FEBREIRO DÍA DE ROSALÍA

O vindeiro martes 24 de febreiro conmemoramos o día da nosa poetisa máis ilustre.
Este ano participaremos como o curso pasado nunha actividade conxunta con outros centros da comarca, titulada Rosalía das ondas  do mar, que consiste en elaborar un vídeo colaborativo co poema "Na lingua que eu falo".
Dende o cole convidámosvos a ler algunha das súas obras, que poderedes atopar na biblioteca.
Tamén atoparedes  información e xogos na seguinte ligazón:

https://sites.google.com/site/rosaliadecastrobn/

Cantarte hei, Galicia,

teus dulces cantares,

que así mo pediron

na beira do mare.

Cantarte hei, Galicia,

na lengua gallega,

consolo dos males,

alivio das penas.

Mimosa, soave,

sentida, queixosa,

encanta  si ríe,

conmove si chora.

Cal ela ningunha

tan dose que cante

soidades amargas,

sospiros amantes,

misterios da tarde,

murmuxos da noite:

cantarte hei, Galicia,

na beira das fontes.

Que así mo pediron,

que así mo mandaron,

que cante e que cante

na lengua que eu falo.

 Que así mo mandaron,

que así mo dixeron...

Xa canto, meniñas.

Coidá, que comenzo.

Con dulce alegría,

con brando compás,

ó pe das ondiñas

que veñen e van.

Dios santo premita

que aquestes cantares

de alivio vos sirvan

nos vosos pesares;

de amabre consolo,

de soave contento

cal fartan de dichas

compridos deseios.

De noite, de día,

na aurora, na sera,

oiresme cantando

por montes e veigas.

Quen queira me chame,

quen queira me obriga;

cantar, cantareille

de noite e de día.

Por darlle contento,

por darlle consolo,

trocando en sonrisas

queixiñas e choros.

Buscaime, rapazas,

velliñas, mociños.

Buscaime antre os robres.

Buscaime antre os millos,

nas portas dos ricos,

nas portas dos probes,

que aquestes cantares

a todos responden.

A todos, que á Virxen

axuda pedín,

porque vos console

no voso sufrir;

nos vosos tormentos,

nos vosos pesares.

Coidá, que comenso...

Meniñas, ¡Dios diante!

CANTARES GALLEGOS

Ademais o vindeiro martes a Sala  Amalia Domínguez Búa de Bueu acollerá un recital para celebrar o Día de Rosalía.O acto está organizado pola Asociación de Escriotres e Escritoras en Lingua  Galega conxuntamente coa Asociación para o Debate Ricardo Gómez Buceta.

O recital que comezará as 20:00 h estará aberto á participación de todo aquel que queira. Tamén se lerá un manifesto e haberá unha actuación musical a cargo das pandereteiras  Axouxeiras.

UN ENTROIDO PASADO POR AUGA!

Que mágoa! Este ano a choiva non quixo darnos unha tregua o pasado venres 13 de febreiro, para poder saír cos nosos disfraces ata a praza do concello ,como vimos facendo todos os anos por estas datas.

Pero nós fixemos caso do dito:"Ao mal tempo boa cara" e ataviados coas nosas creacións artísticas reunímonos no ximnasio para cantar, bailar e gozar dun día de festa.
Foi o broche final a unha semana de intenso traballo para confeccionar os traxes. O resultado mereceu a pena!
Entre cadros de Kandinsky e Miró, xunto con Mozart, as rapazas do Charlestón e Charlot pasamos unha mañá moi divertida que rematou dando conta nas aulas dos riquísimos doces de entroido que compartimos.

                  

Os nenos/as de Infantil tamén fixeron a festa pola súa conta , xa que unha vez máis o tempo non deixou que compartiramos esta xornada. Aquí están co seu disfraz de reloxo de Dalí.

                                 

Este foi o proceso de traballo!

ESCOITADE AS NOSAS COPLAS DE ENTROIDO!




ESTAS SON AS LETRAS!

DÍA DA PAZ 2015

O pasado 30 de xaneiro conmemoramos coma todos os anos o Día da Paz.
Este ano quixemos facer a nosa propia obra de arte, así elaboramos un mural "POP ART" lembrando a Andy Warhol,e puxémolle de titulo "A ARTE DE CONSTRUÍR A PAZ COMEZA COA TOLERANCIA".
Tolerancia coas diferenzas , que nos fan únicos e nos enriquecen.
Así expresamos a nosa maneira de facer ARTE, non só coas pinturas senón tamén cos bos desexos de: valorARTE, consolARTE, aloumiñARTE, namorARTE, apertARTE, bicARTE, animARTE, felicitARTE, emocionARTE, lembrARTE, acompañARTE, convidARTE, ilusionARTE e agarimARTE
Este foi o resultado.

Están todos moi guapos!

Aínda que por mor da chuvia non puidemos saír ao patio, tivemos a oportunidade de ler para todos estes bos desexos no ximnasio. (preme aquí para atopar máis información). Tamén cantamos a canción de Pablo Díaz  "Toc-toc" e outra en inglés. Foi moi divertido!

Ao rematar soltamos unhas pombas como símbolo de Paz.

 Como houbo moi mal tempo, os nen@s de Infantil non puideron subir a compartir con nós este día, pero tamén o celebraron e pasáronno moi ben. (preme para ver máis)