"A LINGUA NON PARA": CORRELINGUA 2018

O venres 4 de maio foi finalmente o día que se puido celebrar o

VIII CORRELINGUA DO MORRAZO

Estaba previsto para o mércores, 2 de maio pero as malas condicións meteorolóxicas non o pemitiron. Valeu a pena porque o venres apareceu un día precioso. A vila de Bueu, encheuse de de rapaces e rapazas de Marín, Cangas, Moaña e como non da propio concello.

A festa da lingua púxose en marcha baixo o lema A LINGUA NON PARA

O alumnado do colexio A Pedra, acudiu ao acto, coas camisetas do cole decoradas cunha palabra relacionada coa alimentación. Había cachelos, patacas, cacheiras, centolas, cogomelos, xurelos, chichos, tixolas, garfos, ...

Saíndo da Praza Massó, percorréronse as principais rúas para regresar de novo ao punto de partida.

 Sentámonos entón para comer a nosa merenda.

 O alumnado de IES Joham Carballeira, escenificou o manifesto en forma de rap, espectacularmente ben.

E por fin chegou momento máis esperado PACO NOGUEIRAS subeuse ao escenario e empezou o desexado concerto. RADIO BULE BULE, é o nome do disco que nos presentou en Bueu.

No seguinte vídeo poderedes ver máis imaxes desta inesquecible xornada.