Xa están aquí un ano máis as Guías de Lectura coas propostas pola coordinadora do Morrazo. Animádevos a ler en galego!
20/12/21
CONCURSO DE LEMAS DO NADAL
Como cada ano a equipa de normalización organizou o concurso de lemas do Nadal, participaron máis de 180 familias, enviándonos propostas para a nosa postal colaborativa! Grazas a todas por participar, o lema gañodor foi de Diego, de 1ºA.
2/12/21
NOVEMBRO, MES DA CIENCIA EN GALEGO
MES DA CIENCIA EN GALEGO
Co gallo do mes da ciencia aproveitamos para convidar ao colexio a antigos alumnos e alumnas que desenvolvan a súa labor profesional no eido científico, xa que, como sabedes, o proxecto da escola é "Medrando xuntos en A Pedra".
Ademais diso houbo obradoiros, fixemos experiementos... botade unha ollada!
ALUMNADO DE PRIMEIRO VISITA A AULA DE CIENCIAS.
ALUMNADO DE SEGUNDO VISITA O LABORATORIO.
VISITA DE EXALUMNAS CIENTÍFICAS
15/11/21
Correlingua
CORRELINGUA
No CEIP A Pedra tivemos a sorte de ser a escola convidada a estar de xeito presencial na festa do Correlingua do Morrazo que se celebrou en Bueu, os cursos de 5º e 6º de infantil e 1º e 2º de primaria estiveron representándonos bailando de festexando a nosa lingua, pero moitos máis cursos puidemos desfrutar da festa desde a escola por streaming.
SAMAÍN
SAMAÍN EN A PEDRA
Co gallo do Samaín puidemos recuperar a nosa exposición de cabazas, as familias traballaron arreo e tivemos moitísimos calacús para expor, estaban ambientadas co proxecto deste ano "50 anos medrando en A Pedra".
Tamén fixemos un mural colaborativo, preparamos cabazas nas aulas, disfrazámonos, tivemos merendas especiais... botade unha ollada !
21/6/21
VISITA DE ARTURO SÁNCHEZ
O hiStoriador e antigo mestre da nosa escola sempre está disposto a falarlles aos rapaces dos seus amplos coñecementos sobre a vila de Bueu, este ano visitou ás aulas de terceiro de primaria e sexto de infantil.
DONA LANDRA NO RÍO REVOLTO
A rapazada de primeiro fixo este vídeo ben chulo do conto Dona Landra en Río Revolto, foron finalistas no prestixioso premio Olloboi na categoría PEQUES. Parabéns!
24/5/21
LETRAS GALEGAS
LETRAS GALEGAS
Este ano as letras galegas adícanse a Xela Arias, nas aulas estivemos traballando sobre a súa figura e destacando a obra "Darío a diario", fixemos podcast, un mural conmemorativo entre todo o cole e nas aulas distintos traballos, recibimos a visita do contacontos Caxoto... gustounos moito aprender desta autora.
http://trasnosapedra.blogspot.com/2021/05/letras-galegas-2021.html
OS MAIOS
OS MAIOS DE A PEDRA
Na escola seguimos coa nosa teima de anovar e recuperar as tradicións da nosa cultura, sobre todo as relacionadas coa infancia, así que estivemos encantados de participar nos maios de Bueu, xunto coa asociación de alfombristas, centros de día e outras escolas da vila.
Fixemos os maios, escribimos e cantamos... pasámolo xenial!
http://www.edu.xunta.gal/centros/ceipapedra/?q=node/451
http://www.edu.xunta.gal/centros/ceipapedra/?q=taxonomy/term/253
http://www.edu.xunta.gal/centros/ceipapedra/?q=taxonomy/term/268
16/3/21
8 DE MARZO
Na escola conmemoramos o día internacional da muller, fixemos algún mural, portas violetas, falamos das mulleres importantes na nosa vida...
3/3/21
DÍA DE ROSALÍA
Para celebrar o día de Rosalía, 24 de febreiro, o alumnado elaborou unhas rosas de papel nos que ían escritos versos de Rosalía, que ceibamos pola vila. Ademais diso recitamos, cantamos nas aulas e elaboramos materiais relacionados coa celebración.
19/2/21
ENTROIDO
O entroido do 2021 foi moi diferente, pero non por isto deixamos de celebrar. O mandadiño fixo que nos disfrazásemos todos os días da semana, o xoves foi un día moi importante, pois na nosa teima de recuperar tradicións todo o cole disfrazouse de "mascalleiros" e "mascalleiras", xa sabedes que é a figura típica no entroido bueués, só tes que coller roupa vella, tapar a cara e ir polas casas pedindo doces... pero non foi o único, viñemos con adornos na cabeza, nos pés, en pixama ou co disfrace que máis nos gustase.
O venres toda a escola cantou a canción "Son de Bueu", queremos agradecerlle a comparsa Vou nun bou que nos deixaron cantar o seu himno... e que viva Bueu!
3/2/21
DÍA DA CANDELORIA E DA PAZ
O día da Candeloria casan os paxariños, é o día do amor en Galicia, pareceunos que non debiamos deixar pasar esta data sen celebrar e decidimos facer un mural para conmemoralo xunto co día da Paz escolar. Enchemos o mural de paxariños autóctonos con fermosas palabras de amor que se din na nosa lingua.