O pasado 24 de outubro celebramos un ano máis o día das bibliotecas escolares e con moita ilusión tamén o aniversario de Papirus. Este ano foi por todo o alto, aínda que el non puido estar con nós. Deixounos unha fermosa carta contándonos as súas aventuras no verán, así soubemos que :
Preparou un video coa axuda da súa amiga a vieira Cocorola: "O POLBIÑO LECTOR",
Foi visitar no verán o cole do Carballal en Marín , e Victor o profe de música agasallouno cunha bonita canción, que todos lle cantamos no seu aniversario.
Falounos do proxecto ENTRE VIÑETAS que será o noso eixo de traballo deste ano, arredor do mundo do cómic. Ademais sorprendeunos a todos cunha aventura súa na compaña das tartarugas Tambo e Onza, que o seu amigo Miguel Angel Trasierra "TRASSIWOLF" convertiu en TBO
Por último agasallámolo cunhas fermosas tarxetas e cantamos "Parabens para ti "diante do marabilloso mural que nos pintou David no Bibliocastelo.
No hay comentarios:
Publicar un comentario