VISITA ÁS ILLAS CÍES DA MAN DOS BOLECHAS

O noso cole foi un dos catro coles de Galicia elixido para apoiar a candidatura das Illas Cíes a patrimonio da UNESCO.
Tratábase de ir a este fermoso arquipélago, en barco dende Vigo, acompañados, nin máis nin menos, que polos nosos queridísimos Bolechas. Con eles tamén viaxaron mais nenos e nenas de Vigo, Ribeira e Vilagarcía e representantes da política galega como o Conselleiro de Educación e  Cultura Román Rodríguez.


Só podían ir un máximo de corenta rapaces e rapazas polo que os afortunados e afortunadas foron o alumnado de terceiro de primaria.
O día seleccionado foi o 23 de abril, así que a xornada converteuse nunha bonita forma de celebrar o día do libro.
Clicando na seguinte imaxe pódese acceder ao blog do segundo ciclo e obter máis información sobre este estupendo día:

23 DE ABRIL , DÍA DO LIBRO

Como cada 23 de abril o noso colexio sumouse a celebración do día do libro: 
En todas as aulas leuse o manifesto, que este ano foi  elaborado polo poeta e narrador galego 

FRAN ALONSO

 no que nun tono claramente irónico, anima ao alumnado a ler.

Asemade organizouse no BIBLIOCASTELO unha exposición de LIBROS DE RECEITAS, que foron traídos polo alumnado do centro e  que foi un auténtico éxito.

 Dende estas páxinas AGRADECER  ás familias a súa participación!

 A profe Lina, presentounos a exposición, e leunos algunha receita ou curiosidade dalgún dos exemplares:

MARÍA VICTORIA MORENO

Achégase maio, mes por excelencia  das letras galegas. Como xa anunciamos ao comezo deste curso, este ano a escritora homenaxeada é María Victoria Moreno.
Presentamos nesta entrada, actividades fotocopiables ou para traballar dixitalmente sobre a autora.
Se clicades na seguinte imaxe poderedes acceder ás actividades, publicadas pola Real Academia Da Lingua:

Clicando na foto da escritora accederedes ás actividades publicadas polo Seminario Galán:

DÍA DO AUTISMO NOS COLEXIOS DO MORRAZO

O pasado venres, 6 de abril, todos os colexios da comarca de O Morrazo, aunamos as nosas forzas para que O AUTISMO, se fixese visible.
Empezamos por ler un manifesto, no que, en primeiro lugar nos contaban en que consiste esta discapacidade e despois se facía un relato das reinvidicacións.
Nas clases, léronse contos e víronse vídeos. Moitos de nós, nuca oiramos falar do autismo, polo que nos sorprendeu, que o padecesen un de cada 150 persoas no mundo e que na nosa comarca houbera tantos casos diagnosticados.
Por último, colgamos de todas as aulas globos azuis para facelo visible a toda a comunidade.

OBRADOIRO DE ALFOMBRAS FLORAIS

A volta das vacacións presentouse moi activa no noso cole pois, , o alumnado de 4º, 5º e 6º realizamos un obradoiro de alfombras florais.

Agradecer en primeiro lugar a Rosa, Mari, Chefi, Rafa e Ataulfo, membros da asociación de afombristas, a paciencia que tiveron con nós e sobre todo que poñan tanto empeño en que os nenos e nenas continuemos cunha tradición tan arraigada na nosa vila como é a da elaboración de alfombras florais.

Engadir que o pasamos superbén e que nos comprometemos a participar na próxima edición. Sabemos que este ano o temas xirará ao redor da LINGUA, polo que o noso cole participará elaborando con flores un poema.

No seguinte vídeo pódese ver unha galería de imaxes e comprobar o fermosa que resultou a actividade.

DÍA DA MULLER NO COLEXIO A PEDRA

Un ano maís o noso colexio uneuse a conmemoración do  DÍA DA MULLER, con diferentes actividades dentro e fóra das aulas.
Dende o equipo da biblioteca propúxose traballar a biografía de María Marte, chef da República Dominicana, afincada en Cataluña e que é un auténtico exemplo de superación, uníndoo así co PDI de este curso.
O día 9 de marzo, foi o día eloxido polo CIM, para a celebración do día da muller para os centros escolares. Como en anos anteriores procedeuse a entrega dos premios de ilustración e viñeta, no que LAURA BROCOS de 6ºA foi premiada cunha mención especial.

Por primeira vez convocouse un certame literario e tamén aquí, no apartado de relato curto, tivo o noso cole recoñecemento no traballo en equipo que UNAI  PARADA, LAURA PÉREZ E MIGUEL PIÑEIRO DE 5ºB, fixeron sobre a biografía de María Purificación Gómez González.

Neste acto, os encargados de facer a declaración institucional foi o alumnado de cuarto do noso centro. Debemos resaltar que fixeron un traballo fermosísimo no que homenaxearon tanto as mulleres famosas como as cercanas, falando con orgullo de Rosalía de Castro, Irene Villa ou Malala,... pero tamén das súas nais, avoas, bisavoas, curmás ou veciñas.
Clicando na seguinte imaxe poderedes acceder ao blog da biblioteca e obter máis información: